26 Agusta 2020 - 13:10
Shugaban Gwamnatin Palasdinawa Mahmud Abbas Ya Ki Karbar Bakuncin Pempeo A Ramallah

Shugaban gwamnatin palasdinawan Mahmud Abbas Abu Mazin, ya hana ministan harkokin wajen Amurkan zuwa ofishinsa dake Ramallah, ya kuma bayyana cewa; “Ba a maraba da shi”

ABNA24 : Jaridar “Isra’il Today” da ake bugawa da harshen Hebrewa ta nakalto majiyar gwamnatin Hadaddiyar Daular Larabawa tana cewa, nan da wasu makwanni za a yi taron zaman lafiya na larabawa da HKI

Majiyar ta kara da cewa za a yi taron ne a cikin daya daga cikin kasashen larabawan yankin tekun pasha, kuma a halin yanzu Amurka tana kokarin jawo kasashen Bahrain, Oman, Morocco, Sudan da Tchadi da su halarci taron.

Majiyar ta kara da cewa; shugaban gwamnatin kwarya-kwaryar Palasdinu Mahmud Abbas Abu Mazin da jami’an gwamnatinsa sun ki amsa goron gayyatar, sannan kuma su ka aike wa da ministan harkokin wajen Amurka da wasikar cewa kada kafarsa ta kata Ramallah, domin ba a maraba da shi.

342/